Православное Ступино
Православное Ступино

Молитва всем преподобным отцем, на святой горе Афонстей просиявшим

Начальная
Ступинское благочиние
Православные тексты
Православные статьи
Православный словарь
Молитвы за болящих
Молитвы святым
Четвероевангелие
Месяцеслов
Православные книги и диски
Фотогалерея
Рекомендуем

найти на сайте

> главная - молитвы святым - молитва всем преподобным отцем, на святой горе Афонстей просиявшим

О, преподобнии и богоноснии Отцы наши Афонстии, светила земная пресветлая, от пустынных удолий святыя горы Афонския, в церкви православней славно просиявшии, и святую гору вселения вашего жития добротами онебесившии, всю же вселенную высоких добродетелей светлостьми и чудес божественных блистаний удивившии. Ныне смертным западом вы плотски на время во гроб зашедше, душами вашими со Xристом — Солнцем правды, суще праведницы, просвещаетеся, яко солнце, во царствии небеснем; идеже молитвенная ваша, к Богу свету истинному, лучи простирающе, не забудите нас, чад ваших духовных, в нощи страстей и скорбей пребывающих, свыше благодатными призирати осиянии, яко да во стт добродетельнаго вашего жития право ходяще путем заповедей Христовых, сподобимся зрети свет неприступныя славы Божия, хваляще купно с вами, в Троице святей славимаго и покланяемаго Бога, Отца и Сына, и Святаго Духа в нескончаемыя веки. Аминь.